- सुन चाँदी दर
- विनिमय दर
- नेपाली पात्रो
- राशिफल
काठमाडौं । झण्डै ५ करोड रकम हिनामिना गरेको भन्दै प्रहरीले कृषि विकास बैंक न्यूरोड शाखाका कर्मचारी (सहायक टेलर) दिपिका रेग्मीसहित ३ जनालाई पक्राउ गरेको छ ।
रेग्मीसँगै बालाजुका प्रकाश घतानी र काठमाडौं बस्ने दोलखाका रेमशकुमार थापा पक्राउ परेका हुन् ।
प्रहरीको केन्द्रीय अनुसन्धान ब्यूरो सीआईबीले रकम हिनामिनामा रेग्मीको मुख्य संलग्नता देखिएको बताएको छ । बैंकको न्यूरोड शाखाबाट अन्तर शाखा कारोबार हिसाब क्लियरिङको रकम पेण्डिङ भएको देखाएर ४ करोड ९१ लाख हिनामिना गरेको पाइएको सीआईबीले जनाएको छ ।
प्रहरीले उच्च अदालत पाटनबाट ५ दिनको म्याद थप गराएर तीनै जनामाथि बैंकिङ कसुरमा अनुसन्धान थालेको छ ।