-
-
-
-
काठमाडौं । अर्जेन्टाइन फुटबल स्टार खेलाडी लियोनल मेस्सी सडकमै लडेका छन् । उनको प्रतिमा तोडफोड गरिएको हो ।
अर्जेन्टिनाको राजधानी ब्युनेस आयर्समा रहेको मेस्सीको प्रतिमा तोडफोड भएको हो ।
मेस्सीको प्रतिमा योसहित दुईपटक तोडफोड भइसकेको छ ।
प्रहरीले तोडफोडको कारण थाहा नभएको अनुसन्धान भइरहेको जनाएको छ । मेस्सीले गएको अक्टोबरमा भएको विश्वकप छनौटको अन्तिम खेलमा इक्वेडर विरुद्ध ह्याट्रिक गर्दै अर्जेन्टिनालाई विश्वकप २०१८ मा पुर्याएका थिए ।
अर्जेन्टिनाका सञ्चारमाध्यमले तोडफोड भएको मेस्सीको प्रतिमाको तस्बिर ट्वीट गरेका छन् ।
यसअघि गत जनवरीमा मेस्सीको प्रतिमा कम्मरबाट काटिएको थियो ।
