- सुन चाँदी दर
- विनिमय दर
- नेपाली पात्रो
- राशिफल
जीतपुर, कपिलवस्तु । जिल्लाका तीन प्रतिनिधिसभा क्षेत्रमध्ये १ र २ मा वाम गठबन्धन तथा ३ मा लोकतान्त्रिक गठबन्धनले अग्रता लिएका छन् ।
पछिल्लो मत परिणामअनुसार क्षेत्र नं १ मा चार हजार २१८ मतगणना हुँदा लोकतान्त्रिक गठबन्धनबाट नेपाली काँग्रेसका दीपकुमार उपाध्यायले एक हजार ४८३ र गठबन्धनका चक्रपाणि खनालले दुई हजार २१९ मत प्राप्त गरेका छन् ।
त्यस्तै क्षेत्र नं २ मा छ हजार ७३४ मतगणना हुँदा काँग्रेसका सुरेन्द्रराज आचार्यले दुई हजार २२३ र सूर्य चिह्न लिएका वृजेशकुमार गुप्ताले तीन हजार ४५० मत प्राप्त गरेका छन् । प्रतिनिधिसभा क्षेत्र नं ३ मा भने काँग्रेसका अभिषेकप्रताप शाहले अग्रता लिएका छन् । पाँच हजार ६०४ मतगणना हुँदा उनले एक हजार ९४९ र संघीय समाजवादी फोरम नेपालका मंगलप्रसाद गुप्ताले एक हजार ४०५ मत प्राप्त गरेका छन् । रासस