- सुन चाँदी दर
- विनिमय दर
- नेपाली पात्रो
- राशिफल
गोरखा । नेपाली काँग्रेसका केन्द्रीय सदस्य चीनकाजी श्रेष्ठले निर्वाचनमा पराजय भोग्ने नियती सायदै देखेका थिए । त्यसैले त उनी उत्साहपूर्वक गोरखा क्षेत्र नं १ मा चुनावी प्रचारमा लागेका थिए ।
तर उनी मतगणनापछि हार्न पुगे । त्यो हार उनलाई अहिले पनि सहज लागिरहेको छैन ।
उनी नेकपा माओवादी केन्द्रका नेता हरिराज अधिकारीसंग पराजित भए । श्रेष्ठ तीन हजार २१७ मतान्तरले पराजित भएका हुन् ।
कुल ६३ हजार ६१९ मत खसेकामा अधिकारीले २९ हजार ८३० र श्रेष्ठले २६ हजार ९३३ मत प्राप्त गरेका थिए ।
यति ठूलो अन्तरको हार हुँदा पनि चीनकाजीले हारेजस्तो महसुस नहुनुको कारण भने उनको हारको अन्तरभन्दा बढी मत बदर हुनु हो ।
यहाँ चार हजार ३३५ मत बदर भएको थियो । बदर मत उनले हारेको मतको अन्तर भन्दा निकै धेरै छ ।
हार मतान्तर र बदर मतको अन्तरसमेत एक हजार एक सय १८ मत हुन आउँछ ।
बदर भएका सबै मत चीनकाजी कै हुन् भनी किटान गर्न त सकिन्न तर जसरी मत बदर भएको छ त्यसले भने निर्वाचन आयोगको असफलतालाई छर्लंग पार्छ ।
मतदाता शिक्षाका लागि निर्वाचन आयोगले पैसाको खोलो बगायो । तर गोरखामा शिक्षाको खोलो बग्न सकेन ।
त्यसको शिकार चीनकाजी भएका छन् । वदर संख्या कम भइदिएको भए चीनकाजीलाई हारको स्वाद चाख्दा पनि अनूभुति हुने थियो होला ।
हुनत उम्मेदवारले पनि मतदातालाई सचेत बनाउनु पर्ने थियो । त्यसमा काँग्रेस पनि चुक्यो र अरु दल पनि चुके ।
एक मत मात्रको पनि अर्थ हुन्छ । एक मत बदर हुँदा पनि त्यसले ठुलो अर्थ राख्छ ।
नतिजा आइसकेको छ । यसको जश अपजश कसले लिने ? के जित्नेको मात्र हुन्छ त कीर्तिमान ?
नयाँ शक्ति पार्टीका संयोजक डा बाबुराम भट्टराईले अर्को क्षेत्रमा नेपाली काँग्रेसको सहयोगमा जिते ।
तर उनले चीनकाजीलाई किन जिताउन सकेनन् ? के यहाँ पनि स्वार्थको लडाईँ देखिएकै हो ?
प्रश्नैप्रश्नबीच अबको पाँच वर्ष प्रभावशाली नेता चीनकाजीलाई भने संसद बैठकमा देख्न पाइने छैन ।