यादव आचार्य, बर्दिया। विजया दशमीका अवसर पारेर बर्दियाको पर्यटकिय क्षेत्र ठाकुरद्वारामा आयोजना गरिएको दुई दिने हात्ती महोत्सव सम्पन्न भएको छ । नेपाली सँस्कृतिलाई पर्यापर्यटन मार्फत संरक्षण गर्दै स्थानियको जिविकोपार्जनमा टेवा पुर्याउन हात्तीसार मैदानमा महोत्सवको आयोजना गरिएको हो । निकुञ्ज विभागका सहायक संरक्षण अधिकृत रमेश थापाले समीको वृक्षारोपण गरी महोत्सव उद्घाटन गरेका थिए ।
महोत्सवका अवसरमा हात्ती फूटवल प्रतियोगिता, संरक्षणकर्मी विच मैत्रीपूर्ण फुटवल, कर्णाली नदीमा महिला, पुरुष पौडी प्रतियोगिता, थारु साँस्कृतिक झाँकी भेषभुषा प्रर्दशनका साथै थारु परिकार सहित महोत्सव सम्पन्न भएको छ ।
स्वदेशी, विदेशी र स्थानिय गरी करिव १५ हजार भन्दा वढी पर्यटकले महोत्सव अवलोकन गरेको आयोजक चोरी शिकार युवा परिचालन अभियानका संयोजक हेमन्त आचार्यले वताए । तीन वर्ष अघि सो क्षेत्रमा हात्तीबाट सुँगुर कुल्चाउने प्रचलन रहेको थियो ।
