- सुन चाँदी दर
- विनिमय दर
- नेपाली पात्रो
- राशिफल
बुटबल । प्रदेश नम्बर ५ को राजधानी दाङ राख्ने कि बुटबल भन्नेमा चर्को बहस जारी रहेको छ । यो बहसमा बाजी कसले मार्ने हो त्यो भने कुर्नुपर्नेछ ।
तर दाङ र बुटवलको मुद्दाले नेकपा एमालेका उपमहासचिव विष्णु पौडेल र सचिव शंकर पोखरेलबीच भने वैचारिक लडाईँ बढेको छ ।
यही वैचारिक द्धन्द्धले गर्दा भेट हुँदा ‘अभिभादन कमरेड’ समेत भन्न छाडेको उनीहरु निकट एक नेताले बताए ।
‘पदीय मर्यादालाई समेत कुल्चेर नेताहरु आपसमा द्धन्द्धमा लाग्नुभएको छ, सुविधाको कुरो पनि पर्यो’ उनले भने ।
के हो मुद्दा ?
विष्णु पौडेल रुपन्देहीका भएकाले पनि उनलाई बुटबललाई नै प्रदेश नं ५ को
राजधानी बनाउनु पर्नेछ ।
उनले बुटबललाई राजधानी बनाउने र प्रदेश नम्बर ५ बाट रुपन्देहीलाई विभाजन हुन नदिने भनेरै राजनीतिलाई सफल बनाए ।
उनलाई साथ दिनेमा अन्य दुई सचिवहरु प्रदीप ज्ञवाली र गोकर्ण विष्ट पनि छन् । दुवै गुल्मीका हुन् । उनीहरुलाई पनि सुगमका हिसाबले दाङ भन्दा बुटबल नै सही हुन्छ ।
पोखरेल पनि आफ्नै जिल्लालाई छाडेर किन नै बुटबललाई राजधानी बनाउन खोज्थे र ।
पोखरेल प्रदेश नम्बर ५ को मुख्य मन्त्रीका दावेदार हुन् । उनलाई मुख्यमन्त्री बनाउनकै लागि एमालेले प्रदेश निर्वाचनमा उठाएको हो ।
रोल्पाका माओवादी केन्द्रका नेता कृष्णबहादुर महरा पनि दाङमै राजधानी हुनुपर्छ भनिरहेका छन् । उनको लाइन अझ बढी कडा छ ।
उनले त दाङ राजधानी नबने प्रदेश टुक्रयाइने चेतावनीसमेत दिइसकेका छन् । यसले पोखरेललाई बल मिलेको छ ।