-
-
-
-
काठमाडौं । इंगलिस प्रिमियर क्लब म्यानचेस्टर सिटीले लिग फुटबलमा विजयी यात्रालाई १८ खेलसम्म पुर्याएको छ । उसको यो यात्रालाई तोड्न अब अर्को कुनै क्लबलाई बर्षौं लाग्नेछ ।
लगातार १८ औं जित निकाल्ने क्रममा म्यानचेस्टर सिटीले बुधबार राति न्युकासल युनाइटेडलाई १–० ले पराजित गरेको छ ।
न्युकासलको घरेलु मैदान सेन्ट जेम्स पार्कमा रहिम स्टर्लिङले ३१ औं मिनेटमा गरेको गोल नै सिटीलाई विजयी गराउन निर्णायक बन्यो ।
जितपछि सिटीले लिग तालिकाको दोस्रो स्थानमा रहेको म्यानचेस्टर युनाइटेडसंगको अंक दुरीलाई १५ मा पार्न सफल भएको छ ।
२० खेलबाट म्यानचेस्टर सिटीको ५८ अंक भएको छ । म्यानचेस्टर युनाइटेडको ४३ अंक छ ।
अति फर्ममा देखिएको म्यानचेस्टर सिटीले यही गतिले अगाडि बढ्ने हो भने आधा दर्जन खेल खेल्नुपुर्व नै उपाधि पक्का गरी अर्को रेकर्ड राख्न सक्नेछ ।
तेस्रो स्थानको डिफेन्डिङ च्याम्पियन चेल्सीको ४२ अंक छ ।
लिगमा बिहिबार राति पनि एउटा मात्र खेल हुनेछ । १ः४५ बजे क्रिस्टल प्यालेस र आर्सनल भिड्ने छन् ।
