-
-
-
-
काठमाडौं । चिसो अझै बढ्दै जाने मौसम पूर्वानुमान महाशाखाले जनाएको छ । मौसमविद् विभूती पोखरेलले चिसो दिनदिनै बढ्दै जाने बताइन् ।
उनले काठमाडौंको बिहिबार बिहानको न्युनतम तापक्रम १.५ डिग्री सेल्सियस रहेको बताइन् । यो यस वर्षको सबैभन्दा कम तापक्रम हो ।
बुधबार २.२ डिग्री सेल्सियस रहेको थियो ।
पोखरेलले मुलुकभरमै चिसो बढेको र अझै बढ्ने बताइन् ।
काठमाडौं उपत्यकामा तुसारो समेत लागेको छ ।
वर्षाको सम्भावना तत्काल नभएकाले चिसो अझै बढ्दै जाने उनले बताइन् ।
वर्षा भए पनि फाट्फुट पश्चिम तिर हुन सक्ने अनुमान छ ।
हिमपात हुने क्रम केही दिनमा अझै बढेर जाने छ ।
