- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतले विभिन्न स्थानमा रहेको बन्दरगाहबाट मात्रै यस वर्ष ३ वर्ष अघिको भन्दा २ गुणा पैसा उठाउने सम्भावना रहेको बताएको छ । भारतका केन्द्रीय सडक परिवहन, राजमार्ग एवं जहाज मन्त्री नितिन गडकरीले शनिबार भनेका छन् कि यस वर्ष भारतीय बन्दरगाहको लाभ सात हजार करोड रुपैयासम्म पुग्ने सम्भावना रहेको बताएका हुन् ।
नेपाल लगायतले तिर्ने कर र अन्य शुल्काका कारण भारतको यति धेरै आम्दानी भइको हो । जीएसटी पछि भारतले बन्दर्गाहमा लगाएको १८ प्रतिशत करका कारण नेपालीहरु प्रताडित भइरहेको बेला भारतले भने दुर्इ गुणा बढी कमाउने लक्ष्य लिएको हो । अहिले भने त्यो १८ प्रतिशत शुल्क नलिने भनेर गत महिना मात्रै सहमति भएको हो ।
उसको त्यो आम्दानी ३ वर्ष पहिलेको नाफाको तुलनामा दुर्इ गुणा भन्दा पनि बढी हो । सिंगापुरमा आसियान-भारत प्रवासी भारतीय दिवस समारोहलार्इ सम्बोधन गर्दै मन्त्री गडकरीले भारतमा लगानीको लागि सम्भावना अत्यधिक रहेको भन्दै यहाँ लगानीकोलागि पर्याप्त सम्भावना समेत रहेको पनि बताए । उनले करीब ३ हजार प्रतिनिधिलार्इ सम्बोधित गर्दै यस्तो बताएका हुन् ।
उनले भने, 'अहिले पनि भारतका सबै बन्दरगाहहरु फाइदामा छन् । यही तरिकाले यस वर्ष यसको लाभ सात हजार करोड भारतीय रुपैयासम्म पुग्ने सम्भावना पनि देखिएको छ। बन्दर्गाहको लाभ ३ वर्ष पहिले को ३ हजार करोड रुपैयाको २ गुणा भन्दा बढी हो ।'
गडकरीले भनेका छन् कि भारतमा ६ वटा नयाँ बन्दरगाहको निर्माणमा गर्ने योजना बनिरहेको छ । यस सम्मेलनमा मुख्य रूपले भारतमा कारोबार तथा लगानीको अवसरमाथि चर्चा भइरहेको थियो। यस बहसका लागि ९ वटा सत्रको आयोजना गरिएको छ । गडकरीले उद्घाटन सत्रमा दक्षिण पूर्वी एशियाली देशको संघ (आसियान)को लगानीको भारतमा ढाँचागत क्षेत्रको परियोजनामा लगानी गर्नको लागि आमन्त्रित गरेका छन् । उनले उनले हरेक दिन औसतमा २८ किलोमीटर नयाँ सडक बन्नेगरेको भन्दै दैनिक ४० किलोमिटर बनाउने लक्ष्य लिएको पनि बताए ।
नितिन गडकरीका अनुसार म्यान्मार, बांग्लादेश, भूटान तथा नेपालको साथ भारतले सडक मार्गबाट जोडने परियोजनाको लागि ६० देखि ७० प्रतिशतसम्म काम सम्पन्न भइसकेको बताएका छन् । मुम्बईमा स्पेशल इकोनोमिक जोनमा ४० कम्पनी आएका छन् । यसमध्ये एक ताइवानी कम्पनीले ६ हजार करोड भारतीय रुपैयाँको लगानी पेश गरिसकेको जनाएका छन् ।
उनले प्रवासी भारतीयले स्वच्छ गंगा परियोनामा हात बढाउन तथा त्यसको लागि चन्दा दिनको लागि समेत अपिल गरेका छन् ।