- सुन चाँदी दर
- विनिमय दर
- नेपाली पात्रो
- राशिफल
काठमाडौं । लेस्टर सिटी र वेष्ट ह्याम युनाइटेड एफए कप फुटबलको चौथो चरणमा प्रवेश गरेका छन् ।
मंगलबार राति भएको खेलमा फ्लिटउड टाउनलाई २–० ले हराउँदै लेस्टर चौथो चरणमा पुगेको हो । लेस्टरलाई विजयी गराउन दुवै गोल केलेची इहिनाचोले गरे ।
त्यस्तै श्रिउस्वरी टाउनलाई १–० ले हराउँदै वेष्ट ह्याम पनि चौथो चरणमा उक्लिएको छ ।
यी दुवै खेल एफए कपका रि प्ले हुन् । पहिलो खेल बराबरीमा सकिएपछि दोस्रो चरणमा रि प्ले खेलाइएको थियो ।
म्यान्सफिल्ड टाउनलाई ४–१ ले हराउँदै कार्डिफ सिटी, कार्लिस्ले युनाइटेडलाई २–० ले हराउँदै सेफिल्ड वेनस्डे र स्टेभिनेजलाई ३–० ले हराउँदै रिडिङ पनि चौथो चरणमा उक्लिएका छन् ।
एफए कप फुटबलमा बुधबार राति १ः३० बजे ३ खेल हुँदैछन् ।
चेल्सी र नर्वीच सिटी, स्वान्सी सिटी र वुल्भरह्याम्पटन वान्डरर्स तथा विगान एथलेटिक र बर्नमाउथ भिड्दै छन् ।