- सुन चाँदी दर
- विनिमय दर
- नेपाली पात्रो
- राशिफल
काठमाडौं । पत्रकारहरु मात्रै सहभागी हुनेगरी काठमाडौंमा स्थापना गरिएको सञ्चार बचत तथा ऋण सहकारी संस्था लिमिटिडले निष्क्रिय सदस्यहरुलाई सक्रिय बनाउन विषेश साधारण सभा बोलाउने भएको छ ।
नियमित साधारण सभामा सदस्यहरुको उपस्थीति न्युन र बचत अनियमित भएपछि नियमित साधारण सभाले विशेष साधारण सभा बोलाउने निर्णय गरेको हो ।
विशेष साधारण सभाको मिति भने केहीदिनपछि संस्थाको कार्यसमितिले तय गर्ने संस्थाकी अध्यक्ष निर्मला आचार्यले जानकारी दिइन् ।
आचार्य राष्ट्रिय समाचार समितिकी पुर्व महाप्रवन्धक हुन् ।
साधारण सभाले हरेक सदस्यले एक बर्षमा कम्तीमा दुई जना नयाँ सदस्य थप गर्ने अभियान चलाउने निर्णय पनि गरेको छ । संस्थामा अहिले १५७ जना पत्रकार सदस्य रहेको उपाध्यक्ष जगत नेपालले बताए ।
पत्रकारहरुले चाहना गरेमा सञ्चार माध्यमहरुका कार्यालयमै गएर पनि संस्थाका बारेमा जानकारी गराएर सामुहीक सदस्य बनाउने अभियानपनि चलाउने भएको छ ।
हरेक सदस्यले प्रति महिना एक हजार रुपैयाँ बचत गर्ने नियम भएपनि बचत नियमित हुन नसकेकाले बचतका लागि अबदेखि ताकेता बढाउने निर्णय गरिएको छ ।
संस्थाले लगाएको ऋण असुलीमा समेत कडाई गर्न साधारण सभाले निर्देशन दिएको कोषाध्यक्ष प्रदिप चापागाईले जानकारी दिए ।
संस्थाका दुई जना सदस्यको सिफारिसमा संस्थाका सदस्यलाई विनाधितो ऋण दिने व्यवस्थालाई कडाई गर्दै सिफारिस गर्ने दुई जना र ऋण लिने गरी तीन जनाको कुल बचत र शेयर भन्दा बढी ऋण नदिने निर्णय साधारण सभाले गरेको छ ।
आठ बर्ष अगाडी नेपाल पत्रकार महासंघका पुर्व अध्यक्ष विष्णु निष्ठुरीको नेतृत्वमा स्थापना भएको सहकारी संस्थाबाट अहिलेसम्म दर्जनांै पत्रकारहरुले आर्थिक संकटका बेला सहयोग पाएका छन् भने लाखौंको कारोबार भईसकेको छ ।