-
-
-
-
काठमाडौं । स्पेनिस क्लव रियाल मड्रिडका खराव दिन सकिएका छन् । निरन्तरको हारले खराव लयमा गुज्रिएको रियाल कोपा डेल रे फुटबलमा लेगनेजलाई १–० ले हराएपछि जितको लयमा फर्किएको हो ।
क्वाटरफाइनल पहिलो लेगको खेलमा लेगनेजलाई उसकै मैदानमा पराजित गर्न मार्को एसेन्सियोले खेल सकिन एक मिनेट मात्रै बाँकी छँदा निर्णायक गोल गरे ।
जितपछि रियाल मड्रिडका प्रशिक्षक जिनेदिन जिदानले हारको यात्रा सकिएको प्रतिक्रिया बताएका छन् ।
यो खेलमा नियमित कप्तान क्रिष्टियानो रोनाल्डो र ग्यारेथ बेलसमेत थिएनन् ।
यसबाट प्रमाणित हुन थाल्यो कि अब रोनाल्डो बिना पनि रियाल मड्रिड जित्न सक्छ ।
स्पेनिस लिगमा भने डिफेन्डिङ च्याम्पियन रियाल चौथो स्थानमा छ ।
दोस्रो लेगको खेल जनवरी २५ तारिखमा रियाल मड्रिडको मैदानमा हुनेछ ।
