- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिस प्रिमियर लिग फुटबल प्रतियोगिताका शनिबार रातिका खेलहरुमा उपाधिका दावेदार सबै क्लव विजयी भएका छन् ।
अंक तालिकाको शीर्ष स्थानमा रहेको म्यानचेस्टर सिटीले न्युकासल युनाइटेडलाई ३–१ ले पराजित गर्यो ।
शनिबार रातिका आकर्षण भने सर्जियो अगुएरो नै रहे । अगुएरोले एक पेनाल्टीसहित ह्याट्रिक पुरा गरे ।
त्यसैगरी अंक तालिकाको दोस्रो स्थानमा रहेको म्यानचेस्टर युनाइटेडले बर्नलेलाई १–० ले हरायो । संघर्षपुर्ण जित पाएको म्यानचेस्टर युनाइटेडका लागि एन्थोनी मार्सियलले निर्णायक गोल गरे ।
तालिकाको तेस्रो स्थानमा रहेको चेल्सीले ब्राइटनलाई ४–० ले पराजित गर्यो । एडन हाजार्डले २ तथा विलियन र भिक्टर मोसेसले १–१ गोल गरे ।
तालिकाको छैटौं स्थानको आर्सनलले क्रिस्टल प्यालेसलाई ४–१ ले हरायो । आर्सनलले २२ मिनेट अगाडि नै चार गोल गरिसकेको थियो ।
सातौं स्थानको लेस्टर सिटीले वार्डफोर्डलाई २–० ले हरायो ।
१७ औं स्थानको स्टोक सिटीले हडल्सफिल्डलाई २–० ले नै हरायो ।
नवौं स्थानको एभर्टन र १९ औं स्थानको वेस्टब्रोम तथा ११ औं स्थानको वेस्टह्याम युनाइटेड र १२ औं स्थानको एएफसी बर्नमाउथबीचको खेल भने १–१ गोलको बराबरीमा टुंगिए ।
युनाइटेड भन्दा १२ अंकको फरक पार्दै म्यानचेस्टर सिटी ६५ अंकका साथ तालिकाको शीर्ष स्थानमा छ ।