- सुन चाँदी दर
- विनिमय दर
- नेपाली पात्रो
- राशिफल
काठमाडौँ । निर्वाचन आयोग जोडतोडले राष्ट्रिय सभा निर्वाचनको तयारीमा लागेकोे छ । आयोगका प्रवक्ता नवराज ढकालले केन्द्रमा गर्नुपर्ने तयारी अन्तिम चरणमा पुगेको बताए ।
उनले भने, ‘निर्वाचनका लागि आवश्यक पर्ने नियमावली र निर्देशिका तयार भएको छ ।’ आयोगले सोमबारबाट सातवटै प्रदेशमा खटिने प्राविधिक कर्मचारीका लागि आयोगले ‘एकीकृत निर्वाचन सूचना व्यवस्थापन प्रणाली’ सम्बन्धी प्रशिक्षण सुरु गरेको छ । प्रशिक्षमा सातै वटा प्रदेशका १५ जना प्राविधिक सहभागि छन् ।
आयोगले आगामी राष्ट्रिसभा निर्वाचनको तयारी, मतभार, मतगणना विधि र प्रक्रियाका बारेमा राजनीतिक दलका प्रतिनिधिलाई मंगलबार प्रशिक्षण दिने कार्यक्रम तय गरेको छ ।
आइतबार आयोगले मतदाता नामावली प्रकाशन गरेको थियो । माघ १० गते उम्मेदवारको सूची प्रकाशन गर्ने तालिका छ । माघ ११ र १२ गते सूचीमाथि दाबी विरोधको समय दिइएको छ ।
१३ गते उम्मेदवारको मनोनयन पत्र र उजुरी निवेदनमाथि जाँचबुझ गरी माघ १४ गते उम्मेदवारको नामावली प्रकाशन गर्नेछ । उम्मेदवारको नाम फिर्ता लिने समय माघ १५ गतेलाई तय गरिएको छ ।
माघ १५ गते आयोगले उम्मेदवारको अन्तिम नामावली प्रकाशन र चुनाव चिह्न वितरण गर्ने भने, माघ २४ गते मतदानको कार्यतालिका छ ।