कपिलवस्तु । आगलागी प्रभावित तथा विपन्नहरुलाई १ थानका दरले कम्मल वितरण गरिएको छ । युनिसेफको सहयोगमा महिला तथा वालवालिका कार्यालयको व्यवस्थापनमा उक्त कम्मलहरु वितरण गरिएको छ ।
शुद्धोधन गाउंपालिकाको हथिहवामा ७ घर, मायादेवी गाउंपालिकाको अभिराभमा ६५ घर, महाराजगजं नगरपालिकामा ७ घर र शिवराज नगरपालिका ५९ घरमा कम्मल वितरण गरिएको महिला विकास अधिकृत कमला पौडेलले वताइन । गत साल आगोलागी हुदां घर जल्ला कपडा तथा सवै साम्रगी जलेको हुंदा जाडोमा केही हद सम्म राहत दिनको लागी कम्मल वितरण गरिएको पौडेलले बताइन ।
स्थानीय पिस नेपाल, लिडो नेपाल र आइ एन एफ नेपालको समन्यवमा उक्त कम्मल वितरणगरिएको हो । वितरण कार्यमा महिला विकास कार्यालयका दिपेन्द्रराज पन्थी, सम्झना भण्डारी, शुद्धोधन गाउंपालिका वडा नं ५ का अध्यक्ष आशुतोष कुमार सिंह लगायतको सहभागिता रहेको थियो ।
कम्मल पाएपछि जाडोमा आफुलाई सहयोग मिलेको मायादेवी गाउंपालिका अभिराव गाउंका विष्णु नटुवाले बताए । कपिलस्तुमा विपन्न तथा गरिव समुदायका जनताहरु चिसोमा कष्टकर जीवन विताइरहेका छन् ।
