- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिस प्रिमियर लिग फुटबलमा डिफेन्डिङ च्याम्पियन चेल्सीले जारी सिजनकै लज्जास्पद हारको सामना गर्नुपरेको छ ।
चेल्सीले वाट्फोर्डसंग ४–१ को हारको सामना गरेको हो । सोमबार राति वाट्फोर्डको मैदानमा भएको खेलमा ३० मिनेटमै बाकायोकोले दोहोरो पहेंलो कार्ड खाएपछि १० जनामा समेटिएको चेल्सीले ४२ औं मिनेटमा पेनाल्टी गोल खायो ।
८२ औं मिनेटमा एडन हेजार्डले गोल गर्दै चेल्सीलाई बराबरीमा ल्याए । तर अप्रत्याशित तरिकाले ८४ देखि ९० मिनेटसम्म ३ गोल गर्दै वाट्फोर्डले नसोचेको ठूलो सफलता हासिल गर्यो ।
यो हारले भने चेल्सीको दोस्रो स्थानको दावेदारी समेत कठिन बन्दै गएको छ ।
लिगमा २६ खेलबाट ६९ अंकको म्यान्चेस्टर सिटी शिर्ष स्थानमा छ । दोस्रो स्थानको म्यान्चेस्टर युनाइटेडको ५६, लिभरपुलको ५१ र चेल्सीको ५० अंक छ ।
उपाधि होड टाढिए पनि चेल्सीको दोस्रो स्थान दावेदारी कायमै छ । तर यसरी भोगेको हारले भने टिम रन्थनिएको छ ।