- सुन चाँदी दर
- विनिमय दर
- नेपाली पात्रो
- राशिफल
काठमाडौं । बलिउड स्टार सलमान खानले आफूलाई स्वागत गर्नका लागि सबै नेपालीलाई आग्रह गरेका छन् ।
‘दबंग द टुर’ अन्तर्गत सलमान फागुन २६ गते नेपाल आउँदैछन् ।
सलमानले ट्वीटरमार्फत ‘नेपाल अब आपकी बारी स्वाग से स्वागत नही करोगे हमारी’ भन्दै स्टाटस लेखेका छन् ।
ओडीसी इन्टरटेन्मेन्टले सलमानलाई नेपाल ल्याउन लागेको हो । सलमानको कार्यक्रम हेर्नका लागि २ हजारदेखि १० हजार रुपैयाँसम्म टिकट मूल्य तोकिएको छ ।
१० मार्च अर्थात् फागुन २६ गते शनिवार टुँडिखेलमा हुने ‘दबंग द टुर नेपाल’ मा सलमानसंगै अभिनेता, निर्देशक प्रभु देवा, नायिकाहरु सोनाक्षी सिन्हा, ज्याकलिन फर्नान्डिज, डेजी शाह, कृति सेनोन रहने छन् ।
त्यसैगरी मित ब्रदर्श, अभिनेता तथा उद्घोषक मनिष पल पनि सहभागी हुनेछन् ।
कार्यक्रमको सञ्चालन मनिषले गर्नेछन् । २३ वर्षअघि नेपाल आएका सलमानले आफू नेपाल आउन उत्साही भएको प्रतिक्रिया यसअघि नै दिएका छन् ।
केही दिनअघि उनका भाइ सोहेल काठमाडौं आएर कार्यक्रमबारे बुझेका थिए ।
‘बिइङ ह्युमन’ भन्दै सलमानले आफ्नो कम्पनीमार्फन असहायलाई सघाउन विश्वभरमै दबंग टुर गर्दै आएका छन् ।