-
-
-
-
काठमाडौं । ६ खेलको एक दिवसीय क्रिकेट सिरिजमा दक्षिण अफ्रिकाले बल्ल लय समातेको छ । दक्षिण अफ्रिकाले चौथो खेलमा ५ विकेटको जित निकालेको हो ।
जोहानेसवर्गमा भएको खेलमा भारतले ७ विकेटको क्षतिमा २८९ रन बनायो ।
शिखर धवनले १०९ तथा विराट कोहलीले ७५ रन बनाए । जवाफमा वर्षाले प्रभावित खेलमा दक्षिण अफ्रिकाले २८ ओभरमा २०२ रनको चुनौती पायो ।
दक्षिण अफ्रिकाले २५.३ ओभरमै ५ विकेट गुमाएर पूरा गर्यो ।
२६ वर्षे हेन्रिच क्लासेनले २७ बलमा नटआउट ४३ रन बनाएर टिमलाई जिताए ।
हेन्रिच म्यान अफ द म्याच भए ।
त्यसैगरी फेहलुक्वायोले ५ बलमा नटआउट २३ रन जोडे ।
जितपछि सिरिजमा ३–१ को स्थिति भएको छ । भारतलाई सिरिज जित्न एक खेल जित्नैपर्नेछ ।
