झण्डै पाँच सय नागा बाबा पशुपति क्षेत्रमा प्रवेश

प्रकाशित मिति : २०७४ माघ २९ सोमबार , ४,२२४ पटक हेरिएको

काठमाडौं । पशुपतिनाथमा महाशिवरात्रिमा आएका साधुमध्ये आइतबारबाट नागा साधुको सेवा सुरु भएको छ ।

एकादशी बिहान आफ्ना कपडा खोलेर झण्डै ५ सय नागा बाबा पशुपति क्षेत्रभित्र प्रवेश गरेका छन् । 

गुठी संस्थानले एकादशीबाट नागा साधुको र द्वादशीदेखि अन्य साधुको सेवा गर्ने परम्परा छ । शरीरभरी विभूत घसेर नांगै उभिएका बाबा पशुपतिनाथ परिसरमा यत्रतत्र बसेका छन् ।

जोगीका चार सम्प्रदायमध्ये नागा सन्यासी अन्तर्गत पर्छन् । 

पशुपतिमा चारै सम्प्रदायका जोगी आउने गर्छन् । चार सम्प्रदायमा सन्यासी, वैष्णव, नानक र उदासी सम्प्रदाय पर्छन् । (कान्तिपुर दैनिक)

नयाँ