- सुन चाँदी दर
- विनिमय दर
- नेपाली पात्रो
- राशिफल
पाल्पा । तानसेनको टुँडिखेल मैदानमा जारी पाल्पा महोत्सवको पाँचौ दिनसम्म करिव एक लाख दर्शकले महोत्सव अवलोकन गरेका छन् ।
महोत्सवमा यो अवधिमा ५ करोड ५० लाखको कारोवार भएको आर्थिक व्यवस्थापन उपसमितिका संयोजक दीपकप्रसाद पाण्डेले बताए ।
पाँचौं दिनसम्म आइपुग्दा सबैभन्दा बढी लत्ताकपडा र होटल रेष्टुरेण्डको कारोवार भएको पाण्डेले जानकारी दिए ।
अन्य फुटकर सामाग्रीहरुको व्यापार पनि उल्लेख्य रहेको पाण्डेले हाम्रा कुरा सँगको कुराकानीमा जानकारी गराए ।
पहिलो दिन उद्घाटन सत्र भएकाले टिकट निःशुल्क थियो भने, दोस्रो दिनदेखि दर्शकको घुँइचो टिकट काउण्टरमा समेत थियो ।
पाँचौ दिन टिकट काउण्टरबाट मात्रै २५ हजार भन्दा बढी दर्शकले अवलोकन गरेको टिकट छपाई, विक्री व्यवस्थापन उपसमितिका संयोजक उत्तम कुमार बजा्रचार्यले बताउनुभयो । उनका अनुसार यो सबै भन्दा बढी टिकट वितरण भएको हो ।
महोत्सव आगामी फागुन १३ गते सम्म चल्नेछ । महोत्सव अवधिभर तीन लाख दर्शक भित्याईने र १० करोडको कारोवार गर्ने लक्ष्य आयोजकले लिएको छ ।
महोत्सवको सुरुवाती चरणमा दर्शकहरु केही कम भए पनि पछिल्ला दिनहरुमा दर्शक बढ्दै गएको आयोजकले जनाएको छ ।
अझै कयौं चर्चित कलाकारहरुको प्रस्तुती बाँकी नै रहेकोले दर्शक अझै बढ्ने साँस्कृतिक संयोजक शैलेन्द्र भट्टराईले बताए ।
“पाल्पामा कृषि , पर्यटन, उद्योग र व्यापार , अवसर र संभावना छ अपार” भन्ने मूल नारा सहित पाल्पा उद्योग वाणिज्य संघको आयोजनामा फागुन ३ गते देखि तानसेनको टुँडिखेल मैदानमा प्रदेशस्तरिय बाह्रौं पाल्पा महोत्सव २०७४ सञ्चालन भइरहेको छ ।