- सुन चाँदी दर
- विनिमय दर
- नेपाली पात्रो
- राशिफल
धनगढी । डोटेली भाषा र संस्कृतिको संरक्षण योगदान पुर्याएको भन्दै पत्रकारद्धाय मुकुन्द भण्डारी र धिरेन्द्र चटौतलाई कैलालीमा सम्मान गरिएको छ ।
सुदूर पश्चिमाञ्चल बहुउद्देश्यीय मञ्च धनगढीले सम्मान गरेको हो । पुरस्कारको राशी ११,१११ र सम्मान पत्र तथा दोसल्ला रहेको थियो ।
प्रदेश नं ७ का सामाजिक विकास मन्त्री दिर्घ सोडारीले पत्रकारद्धयलाई सम्मान गरेका थिए ।
सामाजिक विकास संस्थाले पहिलो पटक यो सम्मान गरेको हो । सञ्चारकर्मी स्वर्गीय हेम मल्लको सम्झनामा, सु प बहुउद्देश्यीय मञ्च धनगढीको आगुवाइमा उनको परिवार, सामाजिक संघसंस्था र केही व्यक्तिहरूको सहयोगमा स्थापित ’हेम मल्ल स्मृति’ आम सञ्चार पुरस्कार स्थापना गरिएको छ ।
चटौत र भण्डारीले वि स २०५७ सालदेखि रेडियो नेपालबाट डोटेलीभाषाको समाचार, समाचार मुलक कार्यक्रमा र डोटेली भाषाको सांगितिक कार्यक्रम, हजारी माला शुरु गरेका थिए ।