- सुन चाँदी दर
- विनिमय दर
- नेपाली पात्रो
- राशिफल
बाजुरा । कैलालीकी राधा चौधरीलाई बोक्सीको आरोपमा कुटपिट गरेको घटनाका दोषीलाई कारबाही गर्न माग गरिएको छ ।
बुढीगंगा नगरपालिकाका उपप्रमुख श्रृष्टि रेग्मीले घटनाको यथार्थ छानबिन गरी दोषीलाई कारबाही गर्न प्रदेश नं ७ का आन्तरिक मामिला तथा कानुन मन्त्री एव्म एमाले संसदीय दलका नेता प्रकाश शाहलाई ज्ञापनपत्र दिए ।
राधा चौधरीको उपचार खर्च व्यहार्ने र थप उपचारको व्यवस्था गर्ने उनले बताए ।
यसअघि फागुन २४ गते कैलालीको घोडाघोडी नगरपालिकाकी राधा चौधरीलाई बोक्सीको आरोप लगाउँदै आफूलाई भोलेबाबा बताउने स्थानीय रामबहादुर चौधरीले घन्टौंसम्म कुटपिट गरेका थिए ।
यसैबीच बोक्सीको आरोपमा कुटपिट गर्नेहरुलाई छाडेको भन्दै कैलाली सुख्खड इलाका प्रहरी कार्यालयका निमित्त प्रमुख दिनेश विष्टलाई निलम्बन गरिएको छ ।
प्रदेश प्रहरी कार्यालयले सई विष्टलाई निलम्बन गर्न सिफारिस गरेको हो ।
उनलाई कारवाही गरी हेडक्वार्टरलाई जानकारी गराइएको प्रदेश प्रहरी प्रमुख एआईजी माधवप्रसाद नेपालले जानकारी दिए ।