- सुन चाँदी दर
- विनिमय दर
- नेपाली पात्रो
- राशिफल
काठमाडौं । काठमाडौं क्षेत्र नम्बर १ का सांसद एवं नेपाली काँग्रेसका नेता प्रकाशमान सिंहले बाटो जहिले पनि खन्ने तर पूरा नगर्ने नियत के हो भनी सडक विभागसंग प्रश्न गरेका छन् ।
सोमबार बिहान डिभिजन सडक कार्यालय मिनभवनमा गुनासो लिएर स्थानियसंगै पुगेका सिंहले व्यवस्थापनको कमीले गर्दा स्थानीयवासीले दुःख पाएको बताए ।
कुन काम कहाँ रोकियो र कहिले बन्छ भन्दै प्रश्न गरेका थिए । सिंहसंगै जनप्रतिनिधि, स्थानीय एवं उपभोक्ता मन्चका प्रतिनिधि सहभागी रहेका थिए ।
सिंहले काम गर्ने शैलीमा परिवर्तन गरी आपसमा समझदारी गरेर अगाडि बढ्नु पर्नेमा जोड दिए ।
उनले बाटोमात्र खन्ने हैन त्यसबेलामा ढलदेखि बिजुली अनि पानीसम्म हेर्ने निकायसंग पनि समन्वय गर्न आग्रह गरे ।
उनले बाटो खनिसकेपछि त्यो कहिलेसम्म पुरा हुन्छ भनी जानकारी सडकले दिनुपर्ने बताए ।