-
-
-
-
काठमाडौं । अमेरिकी राष्ट्रपति डोनाल्ड ट्रम्पको सनकका भरमा चलिरहेको प्रशासन कमजोर बन्दै गएको छ ।
विश्वलाई नै असर र प्रभाव पार्ने विदेश नीति रहेको अमेरिकाका विदेश मन्त्री नै ट्वीटरबाट हटाइएको जानकारी दिएपछि के होला ?
भएको छ त्यस्तै । ट्रम्पले विदेशमन्त्री रेक्स टिलर्सनलाई ट्वीटरबाटै हटाएको जानकारी गराए ।
टिलर्सनले ट्वीटरबाटै बर्खास्त गरिएको जानकारी पाएपछि त्यसको केही घण्टापछि बिदाइ वक्तव्य दिएका छन्।
टिलर्सनले रुसी नियतप्रति अमेरिकाले बोल्नै पर्ने प्रतिक्रिया दिएका छन् । ट्रम्प र टिलर्सनबीच यही विषयमा गम्भीर मतभेद रहेको थियो ।
राष्ट्रपति ट्रम्पसँग व्यक्तिगत र नीतिगत मतभेदलाई लिएर टिलर्सनको राजीनामाको कुरा पहिलेदेखि चर्चामा थियो ।
केही दिनअघि राष्ट्रपति ट्रम्पसँग आफूले कुराकानी गरेको बताएका छन् ।
तर ट्रम्पलाई टिलर्सनको नीति पटक्कै मन नपरेको जस्तो आभाष उनले त्यतिबेला पाएको बताए ।
तर अचानक र अपमानजनक तरिकाले हटाइनुलाई भने टिलर्सनले स्तव्ध भएको बाहेक केही बताउन सकेनन् ।
ट्रम्पको यो ‘हायर एण्ड फायर’ पोलिसीको भने सर्वत्र विरोध भएको छ ।
अन्तर्राष्ट्रिय संचारमाध्यमले ट्रम्पलाई सन्की र मुडीको संज्ञा समेत दिएका छन् ।
