-
-
-
-
काठमाडौं । स्पेनिस क्लव बार्सिलोना युएफा च्याम्पियन्स लिग फुटबलको क्वाटरफाइनलमा प्रवेश गरेको छ ।
प्रिक्वाटरफाइनलमा इङ्लिस क्लब चेल्सीलाई एग्रिगेसनमा ४–१ ले हराउँदै बार्सिलोना क्वाटरफाइनलमा पुगेको हो ।
पहिलो लेगमा १–१ को बराबरी खेलेको बार्सिलोनाले दोस्रो लेगमा ३–० को जित पायो ।
बुधबार राति घरेलु मैदान नुओ क्याम्पमा भएको खेलमा बार्सिलोनालाई विजयी गराउन लियोनल मेस्सीले २ गोल गरे ।
यो मेस्सीको च्याम्पियन्स लिगको एक सयौं गोल हो ।
यसबाट प्रमाणित भएको छ कि मेस्सीको जादू चल्दैछ ।
बार्सिलोनाका लागि अर्को गोल ओस्मान डेम्बेलेले गरे ।
डिफेन्डिङ च्याम्पियन चेल्सीलाई हराएपछि बार्सिलोना अब उपाधिका लागि मुख्य दावेदार बनेको छ ।
बुधबार रातिको खेलमा टर्किस क्लव बेसिक्तासलाई हराउँदै जर्मन क्लव बायर्न म्युनिख पनि क्वाटरफाइनलमा पुगेको छ ।
पहिलो लेगमा ५–० ले जितेको बायर्न म्युनिखले दोस्रो लेगमा ३–१ को जित निकालेको थियो । एग्रिगेशनमा बायर्न म्युनिख ८–१ ले विजयी भयो ।
