- सुन चाँदी दर
- विनिमय दर
- नेपाली पात्रो
- राशिफल
रामेछाप । रामेछापको खाँडादेवी गाउँपालिका ६ माकादुमकी २५ बर्षिया तारा केसीले आफ्ना २ नाबालकलार्इ मट्टीतेल छर्किएर आगो लगाइ हत्या गरेकी छिन् ।
आइतबार राति साढे दश बजे बाँसको कत्तरले बारेको कटेजभित्र बच्चा राखेर उनले आगो लगाएकी थिइन् ।
आगोले डढेर ४ बर्षिय छोरा विपीन खत्री र २ बर्षिया छोरी रमिता खत्रीको ज्यान गएको छ । आगलागीबाट कटेज पूर्ण रुपमा जलेको प्रहरीले जनाएको छ ।
जिल्ला प्रहरी कार्यालय रामेछापका प्रहरी नायव उपरिक्षक अमरेन्द्रकुमार सिं ठकुरीका अनुसार घटनाको जानकारी पाएपछि इलाका प्रहरी कार्यालय चोप्राङ्गबाट पुगेका सुरक्षाकर्मीले तारा खत्रीलार्इ नियन्त्रणमा लिएका छन् ।
घटनास्थलको मुचुल्का गरी दुवै नाबालकको शव पोष्टमार्टमका लागि जिल्ला सदरमुकामतर्फ ल्याइदै गरेको उनले बताए ।
घटनाको प्रारम्भिक अनुसन्धानमा पति दिलबहादुर खत्रीले कान्छी श्रीमती ल्याएको र आफुसंग नबसेको आवेशमा तारादेवीले बालबच्चालार्इ आगो लगाएकी हुन् ।
खत्रीले केहि बर्षअघि नै कान्छी श्रीमती ल्याएका थिए । कान्छीका तर्फ पनि दुई सन्तान रहेको खुलेको छ ।