राष्ट्रिय महिला भलिबलको उपाधि एपीएफलाई

प्रकाशित मिति : २०७३ असार १५ बुधबार
काठमाडौँ । सशस्त्र प्रहरी वलको नेपाल एपीएफ क्लबले राष्ट्रिय महिला भलिबल प्रतियोगिताको उपाधि जितेको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा वुधबार भएको फाइनलमा विभागिय प्रतिद्वन्द्वी नेपाल प्रहरीको नेपाल पुलिस क्लबलाई सोझो सेटमा हराउँदै एपीएफले उपाधि जितेको हो ।
 
यस क्रममा एपीएफले पुलिसलाई २५–१६, २५–२० र २५–११ ले हरायो । प्रतियोगितामा एपीएफकी सरस्वती चौधरी सर्वोत्कृष्ट खेलाडीबाट पुरस्कृत भइन् । उनले १५ हजार र बुद्ध एयरको माउन्टेन फ्लाइट टिकट प्राप्त गरिन् । त्यस्तै प्रतियोगितामा न्यू–डायमन्ड एकेडेमीकी प्रतिभा माली उत्कृष्ट स्पाइक, एपीएफका क्रमशः नेविका चौधरी उत्कृष्ट सर्भर, उषा विष्ट उत्कृष्ट ब्लकर, विनिता बुढाथोकी उत्कृष्ट सेटर तथा पुलिसकी कमला पुन उत्कृष्ट डिफेन्स भए । 
 
त्यसैगरी, उत्कृष्ट प्रशिक्षकको ट्रफी विजेता एपिएफका सुदेशकुमार रिमालले जिते । साथै तेस्रो स्थानका लागि आजै भएको अर्को खेलमा न्यू–डायमन्डले पश्चिमाञ्चल भलिबल टिमलाई २५–१४, २५–१९, २३–२५ र २५–१७ ले हरायो । विजेता एपिएफले रु एक लाख, दोस्रो भएको पुलिसले ६० हजार र तेस्रो भएको डायमन्डले ४० हजार प्राप्त गरे । 
 
शेरबहादुर खड्का स्मृति प्रतिष्ठानले आयोजना भएको प्रतियोगिताका विजेता खेलाडीलाई राखेपका सदस्यसचिव केशवकुमार विष्ट, नेपाल भलिबल सङ्घ अध्यक्ष मनोरञ्जनरमण शर्मा, निवर्तमान अध्यक्ष दानबहादुर तामाङ, प्रतिष्ठानका अध्यक्ष रञ्जन खड्कालगातयले पुरस्कृत गरे । एपीएफ प्रतियोगिताको साविक विजेता हो । गत वर्ष पहिलो संस्करणको फाइनलमा एपिएफले न्यू–डायमन्डलाई हराएको थियो । रासस 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ