बर्दिवास । महोत्तरीको भङ्गाहा–३ र ४ मा पर्ने रामनगर बस्तीमा छाडा राँगाले आक्रमणगर्दा १० जना घाइते भएका छन् ।
बाहिरी गाउँबाट भैँसी पछ्याउँदै आएकोे राँगाले स्थानीय बासिन्दालाई हानेर घाइते बनाउने गरेको पीडितले जानकारी दिएका छन् । उक्त राँगो कुन गाउँबाट आएको हो भन्ने खुल्न सकेको छैन । छाडा राँगाको आक्रमणबाट अहिलेसम्म दुई किशोरसहित आठजना महिला घाइते भएका छन् । घाइते भएका सबैको गाउँकै स्वास्थ्य संस्थामा उपचार भइरहेको छ ।
आइतबार साँझ राँगाको आक्रमणबाट घाइते सबैको अवस्था सुधारोन्मुख रहेको सो बस्तीका सामाजिक कार्यकर्ता रामईश्वर ठाकुरले जानकारी दिए । राँगालाई नियन्त्रणमा लिने प्रयत्न भइरहेको बताइएको छ ।
