-
-
-
-
काठमाडौं । प्रधानमन्त्री एवम एमाले अध्यक्ष केपी शर्मा ओली निकट युवाहरुले आइतबार विपक्षी गठबन्धनविरुद्ध सडकमा प्रदर्शन गरेका छन् ।
युवा संघ नेपाल र नेपाल खेलकुद महासंघको अगुवाइमा विपक्षी गठबन्धनविरुद्ध प्रदर्शन गरेका हुन् । त्रिपुरेश्वरस्थित दशरथ रंगशाला परिसर र माइतीघर मण्डलामा प्रदर्शन गरिएको हो ।
प्रतिनिधिसभा विघटनविरुद्ध परेको रिट निवेदनमाथि सर्वोच्च अदालतले फैसला सुनाउन लागेको पूर्वसन्ध्यामा उनीहरुले ओलीको कदमलाई समर्थन गर्दै नारा समेत लगाए ।
राष्ट्रिय झण्डा र ओलीको ठूलो फोटोसहितको फ्लेक्स गाडीमा सजाएर उनीहरुले ‘आई एम विथ केपी ओली’, ‘जहाँ ओली त्यहाँ एमाले, जहाँ ओली त्यहाँ सूर्य, ‘आई लव यू केपी बा’ जस्ता नारा लगाएका थिए। प्रदर्शनका क्रममा उनीहरुले केपी ओलीलाई ‘राजनेता’को संज्ञा दिए ।
