वासिङ्टन। चार वर्षअघि सन् २०१७ मा बेपत्ता भएका एक उइगर चीनको सिन्जियाङस्थित हिरासत केन्द्रमा रहेको खुलेको छ ।अमेरिकाबाट फर्किए लगत्तै उनी बेपत्ता भएका थिए । 

चिनियाँ अधिकारीहरूद्वारा उत्तर पश्चिमी चीनको सिनजियाङ क्षेत्रमा एक नजरबन्द शिविरको हिरासतमा उनलाई राखिएको रेडियो फ्रि एसियाले जनाएको छ ।  

३५ वर्षीय महमुजान मेम्तेजनलाई अधिकारीहरूले २०१७ मा नियन्त्रणमा लिएका थिए । उनलाई नियन्त्रणमा लिए लगत्तै सिन्जियाङमा रहेका उइगरहरूलाई राखिएको आन्तरिक शिविरहरूको एक विशाल नेटवर्क हिरासत शिविरमा राखिएको थियो । 

घर जग्गा लगानीकर्तासमेत रहेका उनलाई मेहतेजान अलकुत पनि भनिन्छ । उनी येन्गिसहेर (चिनियाँ, शुले) काउन्टी, काशगर (काशी) प्रान्तमा बस्थे, जहाँ उने कश्गर अलकुत सम्पत्ति कम्पनी चलाउँथे ।

चिनियाँ अधिकारीहरूले धार्मिक उग्रवाद र आतङ्कवादी गतिविधिलाई रोक्न अल्पसङ्ख्यक समूहका सदस्यहरूलाई निगरानी, ​​नियन्त्रण गर्ने अभियान चलाएका छन् । उनीहरूले सिन्जियाङमा धेरै उइगर व्यवसायी, बुद्धिजीवी र सांस्कृतिक र धार्मिक व्यक्तिहरूलाई लक्षित गरी नियन्त्रण अभियान चलाएका छन् । 

महमुतजन र अन्य उद्यमीहरू सन् २०१६ को अप्रिल ८ देखि २२ मा अमेरिकाको एक व्यापार यात्रामा गएका थिए । उनीहरू अमेरिकाबाट फर्किएपछि चिनियाँ अधिकारीहरूले नियन्त्रणमा लिएका थिए । 

सिनजियाङमा उइगर मुस्लिमहरूलाई सामूहिक हिरासत शिविरमा पठाइएको थियो। उनीहरूको धार्मिक गतिविधिहरूमा हस्तक्षेप गरी उनीहरूलाई जबरजस्ती श्रम लगायत दुर्व्यवहारको सिकार बनाइएको आरोप लाग्दै आएको छ । चीनको उक्त गतिविधिहरूले गर्दा विश्वव्यापी रूपमा निन्दा हुँदै आएको छ ।

अर्कोतर्फ, बेइजिङले सिनजियाङमा उइगरहरू विरुद्ध मानव अधिकार हननमा संलग्न रहेको कुरालाई ठाडै अस्वीकार गरेको छ । अमेरिकाले जनवरीमा सिन्जियाङबाट कपास र टमाटर उत्पादनको आयातमा प्रतिबन्ध लगाएको छ र क्यानाडा र युनाइटेड किंगडमले पनि त्यस्तै गतिविधि गरेको छ ।