पहिलो पटक नेपाली राष्ट्रिय महिला टिम दशरथ रङ्गशालामा उत्रिदै, साँझ बंगलादेशसँग भिडन्त

हाम्रा कुरा

प्रकाशित २०७८ भदौ २४ बिहिबार

काठमाडौं । नेपाल र बंगलादेश बीचको फुटबल खेल बिहीबार साँझ दशरथ रंगशालामा हुँदैछ । दुवै देशका राष्ट्रिय महिला फुटबल टोलीबीचको पहिलो मैत्रिपूर्ण खेल साँझ ५ बजेदेखि शुरु हुँदैछ ।

एएफसी महिला एसियन कप २०२२ छनोटको तयारीका लागि नेपालले बंगलादेशसँग दुई वटा मैत्रिपूर्ण खेल खेल्न लागेको हो । छनोट खेल उज्वेकिस्तानमा आयोजना हुनेछ।

छनोटमा नेपाल समूह एफ मा रहेको छ। नेपालको समूहमा फिलिपिन्स र हङकङ रहेका छन् । नेपाल र बंगलादेश बीचको दोस्रो खेल आइतबार हुनेछ ।

घरेलु मैदानमै रेकर्ड

बंगलादेशविरुद्ध मैदान उत्रँदा राष्ट्रिय महिला टिमले दशरथ रंगशालामा डेब्यु गर्नेछ । नेपाली महिला टिमले अहिलेसम्म घरेलु मैदान दशरथ रंगशालामा खेलेको छैन ।

सिनियर राष्ट्रिय टोलीले अहिलेसम्म दशरथ रंगशालामा खेलेको छैन ।

एकमात्र अन्तर्राष्ट्रिय मैदानमा नेपाली टिमले डेब्यु गर्नु आफैमा महत्वपूर्ण र असहज लाग्ने परिस्थिति हो ।

प्रायः दशरथ रंगशाला बाहेकका मैदानमा नेपाली टिमले खेल्दै आएको छ ।

यस्तै नेपाली राष्ट्रिय महिला फुटबल टिममा विदेशी प्रशिक्षककोसमेत डेब्यु हुनेछ ।

नेपाली टिम पहिलो पटक विदेशी प्रशिक्षक ग्यारी फिलिप्सको प्रशिक्षणमा खेल्दैछ ।