म्यान्चेस्टर सिटी फेरि शीर्ष स्थानमा, लेस्टरको शीर्षता भङ्ग

प्रकाशित मिति : २०७२ मङ्सिर १३ आइतबार
एजेन्सी । इङ्गलिश प्रिमियर लिग फुटबलमा लेस्टर सिटीको शीर्षता भङ्ग भएको छ । शनिबार राति आफ्नै मैदानमा लेस्टर सिटी बराबरीमा रोकिएसंगै शीर्षता भङ्ग भएको हो । थोरै समय शीर्षता गुमाएको म्यान्चेस्टर सिटीले फेरि शीर्ष स्थान कब्जा गरेको छ । आफ्नै मैदानमा साउथ ह्याम्पटनलाई ३–१ ले हराउँदै म्यान्सिटी शीर्ष स्थानमा उक्लिएको हो । म्यान्सिटी र लेस्टर सिटीको अंक बराबरी भएपनि गोल अन्तरका आधारमा लेस्टर एक स्थान पछि परेको छ । 
 
१४ खेलबाट दुबैको २९–२९ अंक छ । प्रतिस्पर्धी म्यान्चेस्टर युनाइटेडसंग १–१ को बराबरीमा रोकिएसंगै लेस्टर सिटी गोल अन्तरले पछि परेको छ । खेलको १४ औं मिनेटमै जेमी भार्डीको गोलबाट लिएको अग्रता लामो समय टिकेन । पहिलो हाफ अघि नै म्यानयुका बस्तिआनले बराबरी गरे । पछि दुबै टोलीबाट गोल भएन । 
 
यस्तै, एएफसी बर्नमाउथ र एर्भटनले समेत ३–३ को बराबरी खेले । एस्टन भिल्ला वाट्फोर्डस.ग ३–२ को झिनो अन्तरले पराजित भयो । लिग सुधारको लयमा रहेको क्रिष्टल प्यालेसले न्यूकासल यूनाइटेडलाई ५–१ को फराकिलो अन्तरले हरायो । यस्तै, सण्डरल्याण्डले स्टोक सिटीलाई २–० ले पराजित गरेको छ ।
 
आइतबार संकटमा रहेको साविक विजेता चेल्सी र टोटनह्याम हट्सपर भिड्दै छन् । यी खेलसंगै लिगमा समान २९–२९ अंकका म्यान्चेस्टर सिटी र लेस्टर सिटी क्रमशः पहिलो र दोस्रो स्थानमा छन् । २८ अंकको म्यान्चेस्टर युनाइटेड तेस्रो तथा २६ अंक बटुलेको आर्सनल चौथो स्थानमा छ ।  
 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ