नेपाल र मरिसस बीचको खेल सम्पन्न, नेपाल १–० ले विजयी
हाम्रा कुरा
प्रकाशित २०७८ माघ १८ मंगलबार
598
Shares
काठमाडौं । नेपाल र मरिससबीचको दोस्रो मैत्रीपूर्ण फुटबल दशरथ रंगशालामा भइरहेको छ । किरण चेम्जोङको कप्तानीमा मैदानमा उत्रिएको नेपाली टिममा डिफेन्डर नविन गुरुङले राष्ट्रिय टिमबाट डेब्यु गरेका छन् । जसमा डिफेन्डरमा गुरुङसँगै सुजल श्रेष्ठ, दिनेश राजवंशी र देवेन्द्र तामाङ रहेका छन् ।
मिडफिल्डरमा एरिक विष्ट, तेज तामाङ र पुजन उपरकोटी तथा फरवार्डमा अन्जन विष्ट, आशिष लामा र दर्शन गुरुङ रहेका छन् । नेपाल ४–३–३ को फर्म्याटमा खेलिरहेको छ ।
नेपालले गत शनिबार भएको पहिलो खेलमा १–० को जित निकालेको थियो । बिमल घर्तीमगरले गोल गरेका थिए ।
नवीनको डेब्युसँगै नेपाली टिमका मुख्य प्रशिक्षक अब्दुल्लाह अल्मुताइरीले पहिलो पल्ट खेल्ने अवसर दिएका खेलाडीको संख्या ११ पुगेको छ ।
लाइभ अपडेट
दर्शन गुरुङ छैटौं मिनेटमा चुकेका छन् । उनी महत्वाकांक्षी नभएको भए गोल पनि हुन सक्थ्यो ।
१० औं मिनेटमा नविन गुरुङको कर्नर प्रहारलाई नेपालले गोलमा परिणत गरेको छ । सुजल श्रेष्ठले गोल गरेका छन् ।
१३ औं मिनेटमा मरिससले पेनाल्टी हान्ने अवसर पायो । तर कप्तान किरण चेम्जोङले मरिसस कप्तान सोफीको पेनाल्टी प्रहारलाई रोकेका थिए ।
१४ औं मिनेटमा मरिससको दोस्रो कर्नर प्रहारलाई किरण चेम्जोङले बचाउ गर्न सफल भए ।
१५ औं मिनेटमा अन्जन विष्टको प्रहार फितलो सावित भयो ।
१९ औं मिनेटमा मरिससका फर्नान्डो ज्याक्सनले गोल गर्ने अवसर खेर फाले ।
२२ औं मिनेटमा तेज तामाङको लामो प्रहार पोष्टबाट बाहिरियो ।
२४ औं मिनेटमा फर्नान्डो ज्याक्सनले पहिलो पहेँलो कार्ड पाएका छन् । उनले दिनेश राजवंशीलाई फल हानेका थिए ।
२६ औं मिनेटमा मरिससको प्रहार गोल पोष्टबाट थोरैमात्र माथिबाट बाहिरियो ।
२९ औं मिनेटमा मरिससले डीबक्सको ठीक बाहिर फ्रिकिक हान्ने अवसर पायो । तर पाँच जनाको वालले विफल पारिदियो ।
३२ औंं मिनेटमा अन्जन विष्टलाई लडाएपछि पाएको फ्रिकिकलाई एरिक विष्टले डीबक्सको सही स्थानमा पुर्याए तर दर्शन गुरुङले गोल गर्न सकेनन् । प्रयास राम्रो थियो ।
३६ औं मिनेटमा तेज तामाङले निकै राम्रो लामो प्रहार गरेका थिए । उनले गोलकिपर नभएको समयको सदूपयोग गर्न खोजेका थिए । तर बल पोष्टबाट बाहिरियो ।
३८ औं मिनेटमा मरिसस गोल गर्न चुक्यो ।
३९ औं मिनेटमा मरिससका जोनाथनले पहेंलो कार्ड पाएका छन् ।
४४ औं मिनेटमा मरिससको राम्रो प्रहारलाई रोके किरण चेम्जोङले ।
तीन मिनेट इन्जुरी समय थपियो ।
मध्यान्तरसम्म नेपालले १–० ले अग्रता लिएको छ ।
दोस्रो हाफ शुरु
आशिष लामाको स्थानमा बिमल घर्तीमगर आएका छन् । र मनिष डाँगी पनि आएका छन् ।
५१ औं मिनेटमा मरिससको लामो प्रहार किरणले बचाएका छन् ।
मरिससले निरन्तर प्रहार गरिरहेको छ । ५२ औं मिनेटको प्रहार भने खतरनाक हुन सक्थ्यो नेपालका लागि ।
५९ औं मिनेटमा किरण अताल्लिएका थिए । तर गठोल भने भएन ।
६० औं मिनेटमा मरिससका खेलाडी आक्रामक देखिएर सुमन लामालाई टाउकाले हानेका छन् ।
६१ औं मिेनेटमा सुमन र अवियरसँगै वसित तथा मरिससका कप्तान सोफीलाई एकैपटक पहेंलो कार्ड दिइएको छ । मरिससका इमानुएलले पनि पहेँलो कार्ड पाएका छन् ।
६५ औं मिनेटमा पुजन उपरकोटीले पहेंलो कार्ड खाएका छन् ।
६५ औं मिनेटमा दर्शन गुरुङको स्थानमा गौतम श्रेष्ठ मैदानमा पुगेका छन् ।
६६ औं मिनेटमा मनिष डाँगी गोल गर्न असफल भए ।
६८ औं मिनेटमा सोफीको प्रहारलाई बचाए किरणले पन्च गरेर ।
७० औं मिनेटमा अन्जन विष्टलाई हानेका मरिससका खलाडीलाई पहेँलो कार्ड । खेल केही तनावपूर्ण । नेपाली व्यवस्थापक पनि मैदानमा ।
७१ औं मिनेटमा नेपालका पुजन उपरकोटी र मरिससका खेलाडी एद्रिनलाई रातो कार्ड दिइएको छ ।
मैत्रिपूर्ण खेलको अन्तिम १९ मिनेट बाँकी रहँदा दुवै टिम १० जनाबाट खेल्नेछन् ।
नेपाली फुटबल टिमका गोलकिपर प्रशिक्षक विकास मल्ललाई रातो कार्ड दिइएको छ । उनी मैदानमा छिरेका थिए ।
८० औं मिनेटमा इमानुएलले दोहोरो पहेँलो कार्ड खाएर बाहिरिए । मरिसस ९ खेलाडीमा सीमित भएको छ ।
झण्डै पाँच हजार दर्शक रंगशालामा प्रत्यक्ष खेल हेरिरहँदा मैत्रिपूर्ण फुटबल दोस्रो हाफमा भने राम्रो हुन सकेन ।
९० औं मिनेटमा दशरथ रंगशालाको फ्लडलाइटमा समस्या ।
म्याच रेफ्री रविन्द्र महर्जनले ८ मिनेट इन्जुरी समय थपेका छन् ।
फ्लड लाइटको समस्या आठ मिनेटपछि समाधान भएपछि इन्जुरी समयको खेल शुरु भएको छ ।
इन्जुरीको दोस्रो मिनेटमा बिमल घर्तीमगरको प्रयास गोलपिकर निकै अगाडि आएर विफल पारिदिए ।
इन्जुरीको तेस्रो मिनेटमा अन्जन विष्ट गोल गर्न चुके ।
इन्जुरीको चौथो मिनेटमा अन्जनलाई लडाइएको छ । अन्जनले फ्रिकिक हानेका छन् । बल बाहिरियो ।
इन्जुरीको पाँचौं मिनेटमा तेज तामाङको स्थानमा सन्तोष तामाङ मैदानमा छिरेका छन् ।
सन्तोषले मैदान प्रवेश गरेलगत्तै पहेंलो कार्ड पाएका छन् ।
अन्जनको स्थानमा सुवास गुरुङ मैदानमा प्रवेश ।
इन्जुरीको छैटौं मिनेटमा मरिससले लगातार दुई प्रहार गर्यो ।
