लिभरपुलको रोमाञ्चक जित, चेल्सी र आर्सनललाई धक्का

प्रकाशित मिति : २०७२ मङ्सिर १४ सोमबार
 एजेन्सी । इङ्गलिश प्रिमियर लिग फुटबलमा लिभरपुल विजयी भएको छ । आइतबार राति घरेलु मैदानमै भएको खेलमा लिभरपुलले स्वान्सी सिटीलाई १–० गोल ह अन्तरले हरायो । 
 
जेम्स मिल्नरले ६२औं मिनेटमा पाएको पेनाल्टी निर्णायक गोलमा परिणत भयो । लिगका अन्य खेलमा बलिया प्रतिस्प्रधी बराबरीमा रोकिए । तीन दशककै खराब प्रदर्शन गरेको चेल्सी अझै संकट मुक्त हुन सकेको छैन । चेल्सीले टोटनह्याम हट्सपरको मैदानमा गोल गर्न सकेन । खेल गोल रहित बराबरीमा टुंगियो । यस्तै, आर्सनले अर्विच सिटीसंग १–१ को बराबरी खेलेको छ । 
 
वेष्टह्याम युनाइटेड र वेष्टब्रोमविच आल्वियन समेत १–१ को बराबरीमा रोकिए । आइतबार राति चार खेल भएकामा तीन खेल बराबरीमा सकिए । यी खेलले लिगको अंक तालिकामा खासै फेरबदल भएन । १४औं चरणका खेल सकिंदा समान २९–२९ अंक रहेका म्यान्चेस्टर सिटी र लेस्टर सिटी पहिलो र दोस्रो स्थानमा छन् । २८ अंकको म्यान्चेस्टर युनाइटेड तेस्रो तथा २७ अंकको आर्सनल चौथो स्थानमा छ । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ