ग्यारेथ बेल र रोनाल्डोकै जीत, रियाल मड्रिड लयमा फर्कदै

प्रकाशित मिति : २०७२ मङ्सिर १४ सोमबार
एजेन्सी । स्पेनिश लिग ला लिगा फुटबलमा रियाल मड्रिड, एथ्लेटिक बिल्बाओ र सेभिया विजयी भएका छन् । रियालले इबारलाई उसकै मैदानमा २–० ले हरायो । ४३औं मिनेटमा ग्यारेथ बेलको गोलबाट अग्रता लिएको रियालका स्टार क्रिश्चियानो रोनाल्डोले ८२औं मिनेटमा पाएको पेनाल्टीलाई गोलमा परिणत गर्दै २–० को जित दिलाए । यस्तै एथ्लेटिक बिल्बाओले रायो भायकानोलाई ३–० गोल अन्तरले पराजित गरेको छ ।
 
गेटाफे भने आफ्नै मैदानमा २–० को जित निकाल्न सफल भयो । गेटाफेले भिल्लारियललाई स्तब्ध पारेको हो । उता, सेभिया समेत घरेलु मैदानमा विजयी भयो । उसले भ्यालेन्सियालाई १–० ले हरायो । लिगमा १३औ चरणका खेल सकिँदा बार्सिलोना ३३ अंकका साथ शीर्षस्थामा छ । २९ अंकको एथ्लेटिको मड्रिड दोस्रो तथा २८ अंकको रियाल मड्रिड तेस्रो स्थानमा छ ।    
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ