कास्की, पोखरा । काठमाडौंको पानी पोखरीमा भारतीय दूतावासको गाडीमा आगलागी भएको दुई दिन वित्न नपाउँदै पोखरामा भारतीय पर्यटक बसमा आगजनी भएको छ ।
पर्यटकिय नगरी पोखराको लेकसाइडस्थित दिगो पाटनमा एउटा भारतीय बसमा आगजनी भएको हो । उत्तर प्रदेशको नम्बर रहेको भारतीय पर्यटक बसमा आइतबार राति आगजनी भएको प्रहरीले जनाएको छ ।
सडकमा पार्किङ गरि राखिएको बसमा मध्यरातमा आगजनी भएको प्रहरीले जानकारी दिएको छ । आगोले बस लगभग ७५ प्रतिशत जलेको छ । बसमा आफैं आगो लाग्यो वा कसैले आगो लगायो भन्नेबारे विवरण आउन बाँकी छ । शनिबार मात्रै काठमाडौंको पानीपोखरीमा भारतीय दूतावासको कारमा आगलागी भएको थियो ।