भारतीय विमान आईसी ८१४ हाईज्याक प्रकरणमा संलग्न आतङ्कवादी जहुर मिस्त्रीको गोली हानी हत्या

एजेन्सी,

प्रकाशित २०७८ चैत ३ बिहिबार

इस्लामावाद। सन् १९९९ मा अफगानिस्तानको कान्दाहारमा भारतीय विमान आईसी ८१४ हाइज्याक गर्ने पाँच आतङ्ककारी मध्ये एक जहुर मिस्त्री पाकिस्तानको कराँचीमा मारिएको बताइएको छ। रिपोर्टहरूका अनुसार कराँचीमा जाहिद अखुन्दको नक्कली पहिचानमा बस्दै आएका मिस्त्रीको कराँचीको अख्तर कालोनीमा मार्च १ मा गोली हानी हत्या गरिएको थियो।

आईसी ८१४ हाइज्याक गर्ने पाँच आतङ्ककारी मध्ये एक जहुर वर्षौँदेखि पाकिस्तानमा ‘जाहिद अखुन्द’ भएर बस्दै आएको र कराँचीको अख्तर कोलोनीमा ‘क्रिसेन्ट फर्निचर’ पसलको स्वामित्वमा रहेको बताइएको छ।

न्युज नाइनका अनुसार पाकिस्तानी मिडिया एजेन्सी जियो टिभीले कराँचीमा एक व्यापारीको हत्या भएको खबर दिएको थियो। उपलब्ध सिसिटिभी फुटेजका अनुसार मोटरसाइकलमा सवार दुई जनाले दिउँसो अख्तर कोलोनीमा फर्किँदै गर्दा फर्निचर गोदाममा पसेर व्यापारीलाई निशाना बनाएका थिए।

जियोटिभीले पीडितको विवरण बताएको छैन, तर पाकिस्तानी मिडियाका स्रोतहरूले व्यक्तिको पहिचान जहूर मिस्त्री भएको पुष्टि गरेका छन्।

२४ डिसेम्बर १९९९ मा भारतीय एयरलाइन्सको विमान आईसी ८१४ नेपालबाट हरकत-उल-मुजाहिद्दीनका पाँच आतङ्ककारीहरूले हाईज्याक गरेका थिए। दिल्ली पुग्न लागेको विमानले तालिबानको नियन्त्रणमा रहेको अफगानिस्तानको कान्दाहारमा राखिनुअघि लाहोर, अमृतसर र दुबईमा शङ्कास्पद रोक लगाएको थियो।

विमानमा सवार लगभग १७८ जना र ११ चालक दलका सदस्यहरूलाई एक हप्ताको लागि बन्धक बनाइएको थियो। जबकि भारतले मसूद अजहर, अहमद उमर सईद शेख र मुश्ताक अहमद जरगर जस्ता तीन जेएम आतङ्कवादी हरूलाई आफ्नो हिरासतबाट रिहा गर्न बाध्य भएपछि यो समाप्त भएको थियो।

अपहरणकर्ताहरूले डरलाग्दो आतङ्कवादी मौलाना मसूद अजहर सहित भारतीय जेलबाट पैँतिस आतङ्कवादीहरूलाई रिहा गर्न अमेरिकी डलर २०० मिलियन नगदको साथमा माग गरेका थिए। ३१ डिसेम्बर १९९९ मा हालको एनएसए अजित डोभाल लगायत भारतीय वार्ताकारहरूको टोलीले तीन आतङ्कवादीलाई मुक्त गर्न सहमत भएपछि बन्धकको अन्त्य भएको थियो।