मेसी, नेमार र रोनाल्डोमा को बन्ला वर्ष उत्कृष्ठ ?

प्रकाशित मिति : २०७२ मङ्सिर १५ मंगलबार
एजेन्सी । विश्व फुटबल महासंघ फिफाले यस वर्षको उत्कृष्ट फुटबलर अर्थात बलुन’डी ओर उपाधिका लागि तीन खेलाडीको अन्तिम नामावली सार्वजनिक गरेको छ ।
 
फिफाले सोमबार राति सार्वजनिक गरेको अन्तिम नामावलीमा बार्सिलोना मुख्य फरवार्ड अर्जेन्टाइनी खेलाडी लियोनल मेसी, सोही क्लबबाट व्यवसायिक फुटबल खेल्ने फरवार्ड ब्राजिलियन खेलाडी नेमार र रियाल मड्रिडका मुख्य फरवार्ड पोर्चुगिज खेलाडी क्रिश्चियानो रोनाल्डो छन् ।
 
फिफाले यही मंसिर २५ (जनवरी ११) मा स्वीजरल्याण्डको ज्युरिचमा एक समारोहबीच वर्षको उत्कृष्ट खेलाडीलाई पुरस्कार प्रदान गर्नेछ । अजर्नेन्टाइनी फुटबलर मेसी र पोर्चुगिज फुटबलर रोनाल्डोले पछिल्लो सात वर्षदेखि बलुन डे’ओर उपाधिमा कब्जा जमाउँदै आएका छन् ।
 
मेसीले चार तथा रोनाल्डोले तीन पटक उपाधि हात पारेका छन् । यो वर्ष ब्रजिलियन फुटबलर नेमारले बालोन डी’ओर जिते सात वर्षदेखि रहँदै आएको रोनाल्डो–मेस्सीको विजयी यात्रा भङ्ग हुनेछ । पछिल्लो समय नेमार उत्कृष्ठ फर्ममा देखिएका छन् । 
 
चोटका कारण मेसी दुई महिना थन्कीएपछि बार्सा नेमार र लुइस सुआरेजले सम्हालेकै कारण पनि मुल्याङ्कन नेमारको पक्षमा हुने धेरैको आँकलन छ । यद्यपि, पोर्चुगिज स्टार रोनाल्डो फर्म पनि उतिकै बलियो छ ।  

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ