लिग कप : म्यानचेस्टर सिटी, एभर्टन र स्टोक सिटी सेमिफाइनलमा

प्रकाशित मिति : २०७२ मङ्सिर १६ बुधबार
एजेन्सी । म्यानचेस्टर सिटी, एभर्टन र स्टोक सिटी इङ्गलिश लिग कप फुटबलको सेमिफाइनलमा पुगेका छन् । मंगलबार राति भएको क्वार्टरफाइनमा हल सिटीलाई ४–१ ले हराउँदै म्यान्चेस्टर सिटी प्रतियोगिताको अन्तिम चारमा पुगेको हो । हल सिटीविरुद्धको खेलमा म्यान्चेस्टर सिटीका लागि केभिन डे ब्रायनले दुई तथा  विल्फ्रेड बोनी र इहिनाचोले एक–एक गोल गरे ।
 
लिग कप अन्तर्गत मंगरबार भएका खेलमा एभर्टनले मिडिल्सब्रोलाई उसकै मैदानमा २–० ले हरायो । स्टोक सिटी आफ्नो मैदानमा विजयी भयो । स्टोकले शेफिल्ड वेनस्डेलाई २–० ले नै हरायो । यस्तै, लिग कपको अन्तिम क्वार्टरफाइनल खेल बुधबार राति लिभरपुल र साउथह्याम्पटनबीच हुँदैछ । इङ्गलिश प्रिमियर लिगमा सुरुआतमा खराब प्रदर्शन गरेका टोलीहरु अन्य इङ्गलिश फुटबल प्रतियोगितामा आशलाग्दो प्रदर्शन गरिरहेका छन् । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ