बार्सिलोनाको गोल वर्षा, भिलानोभेन्स ६–१ ले स्तब्ध

प्रकाशित मिति : २०७२ मङ्सिर १७ बिहिबार
एजेन्सी । कोपा डेल रे फुटबलमा भिलानोभेन्सलाई हराउँदै बार्सिलोना अन्तिम १६ मा पुगेको छ । बुधबार राति भएको दोस्रो लेगमा भिलानोभेन्सलाई ६–१ हराउँदै बार्सिलोना अन्तिम १६ पुगेको हो । यी दुईबीचको पहिलो लेग गोल रहित बराबरीमा टुंगिएको थियो । चौंथो मिनेटमा डानिएल अल्भेसले गोल गर्दै बार्सिलोनालाई सुरुवाती अग्रता दिलाए ।
 
सान्ड्रो रामिरेजले २१औं मिनेटमा अग्रता दोब्बर पारे । ३१औं मिनेटमा रामिरेजले व्यक्तिगत दोस्रो गोल गरेपछि बार्सिलोनाको अग्रता ३–१ मा पुग्यो । मुनिर एल हाड्डाडीले ५१औं मिनेटमा बार्सिलोनाका लागि एक गोल थपे । ६९औं मिनेटमा रामिरेजले ह्याट्रिक पुरा गरेपछि बार्सिलोनाको अग्रता ५–१ मा पुग्यो । ७६ औं मिनेटमा हाड्डाडीले व्यक्तिगत दोस्रो गोल गरेपछि बार्सिलोना ६–१ को फराकिलो अन्तरले विजयी भयो । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ