म्याच फिक्सिङ्ग गरेका पाँच फुटबलरलाई आजीवन प्रतिबन्ध

प्रकाशित मिति : २०७२ मङ्सिर १९ शनिबार
काठमाडौं । एसियाली फुटबल महासंघ एएफसीले म्याच फिक्सिङमा संलग्न नेपाली फुटबल खेलाडी तथा प्रशिक्षकलाई खेल गतिविधिमा आजीवन प्रतिबन्ध लगाएको छ । सन् २००८ देखि २०१२ सम्म भएका विभिन्न मैत्रीपूर्ण प्रतियोगितामा पैसा लिएर म्याच फिक्सिङ गरेका पाँच नेपाली फुटबलरलाई आजीवन प्रतिबन्ध लगाएको एएफसीले जारी गरेको विज्ञप्तीमा उल्लेख छ । 
 
एएफसीको अनुशासन समितिले शुक्रबार विज्ञप्ती जारी गर्दै निर्णय सार्वनजिक गरेको हो । प्रशिक्षक अन्जन केसी र खेलाडीहरु विकास सिंह क्षेत्री, सन्दिप राई, रितेश थापा, सागर थापा एएफसीको आचारसंहिता नम्बर ६० र ६९ अनुसार दोषी ठहरिएका छन् । 
एएफसीले संलग्न भएको प्रमाणित गर्दै ताजकस्तानका रेफ्री मुर्ताजोएभ पार्भिजलाई पनि समेत आजीवन प्रतिबन्ध लगाएको जनाएको छ । उनले यही अक्टोबर ६ मा भएको एएफसी यु–१९ च्याम्पियनसिपमा अनियमितता गरेको उल्लेख छ । ती पाँचै खेलाडीहरुविरुद्ध जिल्ला अदालत काठमाडौंमा मुद्दा चलिरहँदा अक्टोबर १६ मै अस्थायी प्रतिबन्ध लागिसकेको थियो । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ