काठमाडौं । नोबेल शान्ति पुरस्कारबाट सम्मानित इजरायलका पूर्व राष्ट्रपति शिमोन पेरेजको ९३ वर्षको उमेरमा निधन भएको छ ।
दुर्इ साता पहिले हृदयाघात भएपछि अस्पतालमा भर्ना गरिएका शिमोनको मंगलबार निधन हुनुअघि स्वास्थ्य सुध्रिएको अस्पतालले जनाएको बीबीसीले उल्लेख गरेको छ ।
इजरायलको स्थापना कालका राजनेताहरूमा अन्तिम पेरेज दुर्इ पटक प्रधानमन्त्री र एक पटक राष्ट्रपति भएका थिए ।
उनलार्इ ओस्लो सम्झौताबाट प्यालेस्टाइनमा शान्ति स्थापना गर्न महत्त्वपूर्ण योगदान गरेबापत प्यालेस्टाइनका नेता यासिर अराफातसँगै सन् १९९४ मा नोबेल शान्ति पुरस्कारबाट सम्मानित गरिएको थियो ।
उनी सन् १९४८ मा इजरायल अस्तित्वमा आउँदा नै राजनीतिमा सक्रिय थिए ।