नयाँदिल्ली । भारतले बुधबार र बिहीबार राति गरी कश्मीरको पाकिस्तानको कब्जामा रहेको क्षेत्रमा तीन किलोमिटर भित्रसम्म प्रवेश गरी सात क्याम्प ध्वस्त पारिदिएको छ । सो क्रममा ३८ जनाको ज्यान लिएको छ ।
स्थानीय समयअनुसार राति १२ः३० देखि बिहान ४ बजेसम्म अप्रेशन गरी भारतीय सेना पुनः सीमामा तैनाथ भएको छ ।
भारतको यो क्रियाकलापको भारतभित्रै पनि आलोचना भएको छ । अहिले आएर किन किन आक्रामण गर्नुपरेको भनेर ।
अर्थात् उडी आक्रमणमा १८ भारतीय सेना मारिएको १० दिनपछि यसरी आक्रमण गरिनु ठीक हो कि हैन भनी दुई थरी आलोचना भएको छ ।
केहीले भनेका छन् कि त्यतिधेरै सेना मारिएपछि अप्रेशन थाल्न भारतीय सेनालाई १० दिन लाग्यो भनी किन धेरै समय लगाएको भनी आलोचना भएको छ भने अर्कातर्फ घटना साम्य हुँदै गर्दा किन उक्साएको भन्ने पनि छ ।
हुनत उडी हमला भएकै दिन भारतीय प्रधानमन्त्री नरेन्द्र मोदीले सेनालाई भेटेका थिए । उनले वार रुममा गएर गम्भीर निर्देशन पनि दिएका थिए ।
तर १० दिनदेखि बनेको रणनीति बल्ल प्रयोगमा ल्याइनुलाई गम्भीर तरिकाले नै हेरिएको भारतीय सैन्यविद्हरुले बताएका छन् ।
यसरी आक्रमण गरिएपछि सिन्धु सम्झौता के हुन्छ त भनी प्रश्नसमेत तेस्र्याइएको छ । भारतले ५६ वर्षदेखि दिंदै आएको पानी रोक्ने अडकल विश्वले गरेको थियो । तर भारत त्यसमा पनि चुकेको छ ।
भारतीय विज्ञहरुले यसरी आक्रमण गर्दा पाकिस्तानले पनि प्रतिक्रिया जनाउने भन्दै यस्तो किन गरिएको भन्दै प्रश्न तेस्र्याएका छन् ।
यता पाकिस्तानले भने कुनै पनि देशका सेना आफ्नो भूमिमा टेके मारिदिने भन्दै भारतले ३८ जना मारिएकोबारे गरेको दावीलाई अस्वीकार गरेको छ ।
पाकिस्तानले गम्भीर सुरक्षाबारे कुरा गर्न आगामी मंगलबार राष्ट्रिय सुरक्षा समितिको बैठक बोलाएको छ ।
त्यस्तै प्रधानमन्त्री नवाज सरीफले शुक्रबार मन्त्रीपरिषदको बैठकसमेत डाकेका छन् ।
