पाईलट नहुँदा प्याराग्लाईडिङ बन्द

प्रकाशित मिति : २०७३ कार्तिक १४ आइतबार
काठमाडौं। सुर्खेतमा केही महिना मात्र सञ्चालन भएको प्याराग्लाइडिङ पाइलट अभावमा बन्द भएको छ ।
 
दुई वर्षअघि सञ्चालनमा ल्याइएको प्याराग्लाइडिङको उडान दक्ष पाइलटको अभावमा बन्द भएको हो । तर, सञ्चालकले भने आगामी ३ महिनाभित्र पुनः सुर्खेतको आकाशमा प्याराग्लाइडिङको नियमित उडान हुने दाबी गरेका छन् ।
 
त्यसका लागि आवश्यक तयारी भइरहेको वेलकम प्याराग्लाइडिङ प्रालिका सञ्चालक पदमबहादुर शाहीले बताए ।
 
सरकारले यो वर्षलाई घुमफिर वर्षका रुपमा मनाइरहेको र जिल्लामा पर्यटकको आवागमन बढेको भन्दै उनले पुनः प्याराग्लाइडिङ सञ्चालनको तयारी गरेका हुन् । पाइलटलाई जिल्लामा ल्याउने काम भइरहेको उनको भनाइ छ । आजको अन्नपूर्ण पोस्ट दैनिकमा खबर छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ