लस एन्जलस । अमेरिकी अभिनेत्री डेबी रेनोल्डको ८४ वर्षको उमेरमा निधन भएको छ । उनकी छोरी क्यारी फिसरको ६० वर्षको उमेरमा हृदयघातबाट क्रिसमस इभका दिन मृत्यु भएको एक दिनपछि ८४ वर्षीया रेनोल्डको पनि मृत्यु भएको हो ।
अमेरिकी संचारमाध्यमका अनुसार रेनोल्डको हृदयघातका कारण लस एन्जलस अस्पतालमा निधन भएको हो ।
छोरीको निधनको खवरले स्तव्ध बनेकी रेनोल्डको अस्पतालमै उपचारका क्रममा निधन भएको उनका छोराले जनाएका छन् ।
रेनोल्डको सन् १९५२ मा आएको साइनिङ इन द रेन चर्चित छ । सन् १९४८ मा १६ वर्षको उमेरमा क्यालिफोर्नियामा भएको मिस बुबैंक व्यूटी पेजेन्ट जित्न सफल भएपछि सुरु भएको हो ।
उनी सन् १९६४ मा द अन्सिंकेबल मोलीका लागि अस्कर पुरस्कारका लागिसमेत मनोनित भएकी थिइन् ।