उपग्रह प्रक्षेपणमा भारतले रुसलाई पछार्‍याे, एकै पटक १०४ उपग्रह प्रक्षेपण

प्रकाशित मिति : २०७३ फाल्गुण ४ बुधबार

दिल्ली । भारतीय अन्तरिक्ष अनुसन्धान संस्थान इसरोले एकै साथ १०४ स्याटेलाइट प्रक्षेपण गरेर नयाँ इतिहास रचेको छ । यो अभियानका क्रममा प्रक्षेपण गरिएका १०४ उपग्रह मध्ये तीन भारतका छन् । बाँकी १०१ स्याटेलाइट इजरायल, काजख्स्तान, नेदरल्याण्ड्स, स्वीट्जरल्याण्ड र अमेरिकाको रहेका बताइएको छ ।  

भारतीय संचारमाध्यमका अनुसार भारतले अन्तरिक्ष अभियानमा यसअघि कहिल्यै इति धेरै उपग्रह एकै साथ प्रक्षेपण गरेको थिएन । इसरोसँग यसअघि २० वटा उपग्रह सँगै प्रक्षेपण गरेको रेकर्ड थियो । यस्तै, अन्तरिक्ष अभियानमा सबै भन्दा बढी उपग्रह प्रक्षेपण गर्ने विश्व रेकर्ड रुसको नाममा थियो । त्यो रेकर्ड भारतले तोडेको बताइएको छ । रुसले सन् २०१४ मा एक अभियानका क्रममा ३७ उपग्रह प्रक्षेपण गरेको रेकर्ड छ ।

अभियानबारे जानकारी दिँदै इसरोका अध्यक्ष एएस किरण कुमारले भने, ‘प्रक्षेपण गरिएका मध्ये एक उपग्रहको तौल ७३० किलो छ । बाँकी दुई वटाको तौल समान १९ किलोका छन् । यस अलावा हामीसँग ६ सय किलो तौल प्रक्षेपण गर्ने क्षमता थियो । त्यसैले हामीले १०१ स्याटेलाइलाई पनि प्रक्षेपण गर्ने निर्णय गरेका हौँ ।’ प्रक्षेपणमा भएको खर्च विवरण भने उनले सुनाएनन् । यद्यपि, विदेशी स्याटेलाइटबाट सय करोड बढी आम्दानी भएको बताइँदैछ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ