चुनाव प्रचारका लागि यस्तो छ एमालेको रणनीति

प्रकाशित मिति : २०७४ बैशाख ३ आइतबार

काठमाडौं । प्रमुख प्रतिपक्षी एमालेले बैठकले वैशाख ७ गतेभित्रै  प्रदेश, जिल्ला र स्थानीय तहमा निर्वाचन प्रचार समितिहरु निर्माण गरिसक्ने निर्णय गरेको छ ।

स्थानीय तह निर्वाचन केन्द्रीय समन्वय तथा अनुगमन समितिको आइतबार बसेको बैठकले यस्तो निर्णय गरेको हो । पार्टी महासचिव तथा समिति संयोजक ईश्वर पोखरेलको अध्यक्षतामा पार्टी केन्द्रीय कार्यालय धुम्बाराहीमा बसेको बैठकल तोकिएको जिम्मेवार व्यक्ति संयोजक रहने र सञ्चारकर्मी, बुद्धिजीवी र अनुभवी र विज्ञहरुलाई समावेश गरी प्रचार समिति बनाउन बैठकले सबै मातहतका कमिटीहरुलाई निर्देशन जारी गरेको छ ।

बैठकले स्थानीय तहको निर्वाचनसम्बन्धी कानुनी तथा प्राविधिक विषयहरुमा सबै तहमा प्रशिक्षण तथा तालिम सञ्चालन गर्न समेत निर्देशन दिएको छ । यस्तै, सातवटै प्रदेशमा स्थानीय तहको निर्वाचनसम्बन्धी तयारीका कामहरुको समीक्षा गर्दै बैठकले सबै तहमा निर्वाचन परिचालन कमिटी गठन भई निर्वाचनसम्बन्धी आन्तरिक कामहरु अगाडि बढिरहेको जानकारी दिएको छ ।  

बैठकले विभिन्न उपसमितिहरु निर्माण भई तोकिएका जिम्मेवारीको कामहरु भइरहेको, पार्टीको केन्द्रीय सर्कुलर अनुसार स्थानीय कमिटीहरुको पुनःसंरचनाको काम करिब–करिब सम्पन्न भएको, एमालेको सबै पंक्ति निर्वाचनमा उत्साहजनक रुपमा क्रियाशील रहेको  समीक्षा गरेको छ । समितिको अर्को बैठक ६ गते फेरि बस्नेछ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ