-
-
-
-
लण्डन । बेलायतको लण्डनमा मस्जिद नजिकै एउटा भ्यानले पैदलयात्रुको समूहलाई ठक्कर दिंदा दुई जनाको मृत्यु भएको छ । घटनामा १० भन्दा बढी घाइते भएका छन् ।
प्रहरीले बिहानीको समयमा फिन्सबरी पार्क जिल्लामा भएको उक्त घटनालाई गम्भीर दुर्घटना भनेको छ ।
तर बेलायतको मुस्लिम काउन्सिलले श्रद्धालुहरुलाई उक्त भ्यानले नियोजित रुपमा ठक्कर दिएको जनाएको छ ।
मृतक र घाइतेहरु रमजानको वर्त तोडी प्रार्थना सकेर फर्किरहेका मानिसहरु हुन सक्ने जनाइएको छ ।
प्रहरीले एक जनालाई पक्राउ गरेको छ भने अन्य दुई जना पनि संलग्न रहेको हुन सक्ने जनाएको छ ।
