काठमाडौं । नेपाल आयल निगमले दशैं पछि मात्र निजी सवारीसाधनलाई इन्धन दिने भएको छ ।
निगमका प्रवक्ता दीपक बरालले तेल पाइने आशमा पम्पको लाइनमा बसेका सवारीधनीहरुलाई लाइनमा नबस्न आग्रह गर्दै निगमले क्षमता अनुसारको तेल मंगलबार नै दिएको बताए । निगमले मंगलबार ६ लाख लिटर पेट्रोल र झण्डै २ लाख लिटर डिजेल निजी सवारीका लागि पठाएको थियो ।
आयल निगमले अब सार्वजनिक र अत्यावश्यक सेवाको सवारीलाई मात्र तेल दिने सकिने बताएको छ ।
