-
-
-
-
काठमाडौं । मुलुकमा पछिल्लो आठ महिनामा प्राकृतिक प्रकोपमा परेर ३ सय ४६ जनाको ज्यान गएको छ । ज्यान गुमाउनेमा हालैको बाढीपहिरोमा ज्यान गुमाएका एक सय २८ जनाको संख्यासमेत जोडिएको छ ।
पछिल्लोपटक शुक्रबार, शनिबार र आइतबार आएको बाढीपहिरोमा परेर २६ जिल्लामा एक सय २८ जनाको ज्यान गइसकेको छ ।
गृहमन्त्रालयको विपद्सम्बन्धी तथ्यांकअनुसार आठ महिनाको अवधिमा मुलुकभर एक हजार ६ सय ७९ वटा विपद्का घटना भएका छन् ।
यी घटनामा एक अर्ब ८८ करोड रुपैयाँ बराबरको भौतिक क्षति भएको छ भने १७ हजार घरपरिवार विस्थापित भएका छन् ।
बाढी र पहिरोबाट यतिधेरै क्षति हुनुको कारण पूर्वतयारी नहुनु नै मुख्य कारण रहेको छ । (नागरिक दैनिक)
